sughat yang sebontar tadi diteghimo eh daghi sonah membuekkan dio tertanyo2
"jiman,ekau baco la sughek ni boto2..den x sangko ekau camni jiman,"muko sonah yang seperti x ghoma memandang muke eh membuekkan jiman tertanyo2
berbalik semulo kek umah jiman
"ado apo tu bang man...ghisau yo den nengok abang daghi tadi.bukan eh ado kontrol pon aghi ni kan,"milah polik yo nengok muko jiman yang macam toye tu.
"ntah la milah,ni kawan abang sonah boghi sughek ni kek abang.lopeh tu buek muko maghah2 pulak..poning den dibueknyo.hmm...jom lah baco samo2 ek milah.den ghisau la baco soghang2 ni..x sonang ati den hehe,"sojak kawen maghen dan skaghang dah sambung blaja balik dioghang duduk samo bilik kek kolej tompek dioghang blaja.milah pon da diteghimo masuk tompek blaja jiman.
"dah abang sendighi kato den ikut yola..jom baco ek bang,"milah mengambil tompek duduk bersebolahan jiman kek ateh sofa umah dioghang.
Assalamualaikum pembuko bicagho,
ke hadapan abang jiman yang den peghonah tertaghik ati.sojak kali terakhir den melihat abang pado majlis perkahwinan abang maghen,hati den x tentogham.x sangko yang selamo ini den teghimo sughek daghi abang..abang sudah pon bertunang.bilo mato den sendighi nampak majlis persandingan abang kek malaysia maghen buek ati den podih.
tapi apokan dayo...semuo itu ketentuan ilahi..den teghimo dengan rela ati.walaupun kini abang sudah beghumah tanggo..den totap akan mengonang semuo nasihat2 abang pado den maghen.semuo layanan abang pado den maghen..walaupun hanyo sekadar melalui tinta..dan x peghonah bersemuko secagho toghang2an..den totap berteghimo kaseh pado abang.mungkin salah den sobab menghaghapkan lobih daghi yang sepatut eh..sepatut eh den peghasan yang abang sudah berpunyo sobab kan abang x peghonah pon teghimo ajakan den untuk bersemuko.
akhir kato..semoga abang bahagio di samping isteri tersayang...
teghimo kasih buatmu
ummul latifah
'aduh paghah..cemano ni'jiman berbisik sendighi kek dalam ati.
"abang kona ko sapo ni?"
'aduh milah ni pulak tanyo soklan ni...cemano ni..aduh.....'jiman mengoloh sendighi kek dalam ati.
"hmm..cemano nak koba kan ek..dio ni batchmate abang.abang kona biaso2 yo..ni first time baco sughek daghi dio.x sangko pulak camni,"jiman cubo menoghangkan.
'laki aku ni buleh cayo ko..hmm..xpo milah sabar milah,'muko milah mulo meghah dek menahan maghah eh
"hmm..boto ko ni bang.buleh ko milah cayo ni,"milah bertanyo dongan sedikit ghaso jeles
"alah milah ni..jeles2 pulak..den buleh sumpah la milah.den x kona bona pon ummul latifah ni.nanti ek den cubo tanyo balik sonah kenapo dio boghi sughek ni."jiman cubo menenangkan milah sambil kepalo eh ligat berpusing memikirkan kenapo la pulak tipah ni tulih sughek kek den ni.
--------------------------------------------------------------------------------------------------
"sonah!!!oh sonah!!!"jiman memanggil sonah yang baghu keluar daghi kelas eh
"ado apo eh jiman?"sonah berpaling dongan muko tercongang
"hmm..camno den nak cakap ek.den x paham la napo ekau sughoh baco sughek ni.den pon x paham napo kawan ekau ni tulih macam ni.den ado buek papo salah ko?"tanyo jiman kepado sonah.
'aduh...paghah.cmno pulak buleh jadi macam ni ni.haih jiman,maafkan den..den x sengajo.'ujang yang beghado kek sebolah jiman mulo ghaso kesian kek jiman.dio punyo salah jiman yang kono.
"aik jiman...ekau da buek salah.buleh plak nak tanyo den balik.pepandai la ekau pk,"milah mendengus sambil kaki eh mulo melangkah untuk meninggalkan jiman yang tercongok kek dopan pintu lab kimia.
tibo2 jiman teghingek..dengan copek sekali disoluk poket topi eh mengeluarkan sepucuk sughek.
"sonah..mungkin ekau still maghah kek den.tapi haghap ekau buleh sampaikan sughek ni kepado ummul latifah.bini den amanah kek den sughoh boghi kek kawan ekau ni.haghap ekau paham ek,"jiman mengojar sonah dan bersungguh2 mengharapkan sonah menolong eh.
'aik..dio ni x beghani ko apo..bini pulak yang tulih.suko ati la ekau jiman'kato sonah dalam ati wpun dio bongang dongan jiman diteghimo jugak sughek tu.mungkin ado baek nyo tipah baco.yang tipah ni pon satu..dah lopeh lopeh la.buleh plak nak tulih laie sughek kek jiman..buang tebiat apo.hehehe
--------------------------------------------------------------------------------------------------
"den ni nak maghah den ghaso ekau da bosa panjang..den da kobakan da pon..jangan tulih laie sughek kek jiman tu.ekau dogil jugak.nah...amek ni.bini jiman boghi kek kau,"sonah menghulurkan sughek yang diteghimo daghi jiman tadi.wpun dalam ati eh x sampai ati nk boghi sughek..tapi dihulurkan jugak kek tipah.bia dio sodar sikit..oghang da kato dogil
"la sonah..jangan la marah2..den ingek den nak tamatkan bondo ni..xpo sonah.ekau jangan ghisau ek.den da jangko da pon bondo ni akan berlaku.den akan teghimo seado eh,"tipah cubo menonangkan sonah.
dongan perlahan..dibuko eh sughek yang baghu diteghimo.....bersambung minggu dopan...
-------------------------------------------------------------------------------------------------
sampai cni yo penulisan den aghi ni..kalau ado respon yang baik den akan menoghuih kan ceghito ni hehehe(kalau xdo pon den toghuih kan jugak hehe)
No comments:
Post a Comment