jiman oh jiman.....4

"ekau boto ko nak poie ni?"tanyo sonah kek tipah.
"ntah la sonah...den sodeh bona ni.x sangko jiman sanggup tipu den,"walaupon da siap tipah maseh x totap nak poie ko x majlis kawen jiman.
"mano buleh tipah.kito da dapek undangan.wajib bagi kito untuk poie walimatulurus tu.x kigho la ekau sodeh ko x.mungkin ekau buleh dapek sesuatu daghipado kendughi tu,"kali ni leha pulak mencolah.
"kok itu yang ekau da kato..kito poie yo la.kok den nangih sampai taun dopan..majlis tu totap langsung jugak kan,"tipah mengoghingkan air mato yang mengaler kek pipi eh tu.
dongan langkah longlai x bermayo...digagahkan juo kaki eh melangkah ko majlis kendughi oghang yang dio minati sojak setaun maghen.walaupon podih totap juo digagahkan.
'ya Allah,ekau kuek kan la ati hamboMu ini.sesungguh eh den ni hamboMu yang teramat la lomah eh,'dalam diam tipah berdoa.
-----------------------------------------------------------------------------------------

"ekau kenapo ni jang?"togo jiman kek kawan baek eh tu.sojak daghi tadi dilihat eh ujang x tentogham duduk.koloh kosah daghi tadi.da abih satu ghumah jiman dighayau eh.mano x poning kepalo jiman.
"xdo apo la man...ni bini ekau bilo nak sampai ni...kato pukul duo boleh dah nak sanding ni.lambek da ni,"ujang cubo menuka tajuk.
"kojap laie sampai la tu..bukan jauh pon.kek kulu tu jo..limo menet laie sampai la.pueh tu beraghak..bia la lamo sikit hehehe,"jiman golak yo sikit menengok ghagam ujang yang daghi tadi x tontu halo eh.
seperti ado telipati...ujang tibo2 terpaling ke aghah jalan bosa.dapek dilihat eh sekumpulan anak dagho berjalan memasuki perkaghangan umah jiman.ditonung eh..seperti mengonali kelibat tersobut.dipeghati satu-satu.jumpo la dio oghang yang dicaghi...berbaju kurung labuh hijau pucuk pisang,dongan tudung hijau bersulamkan corak2 daun lalang mati(warno kuning la tu maksud eh)...satu namo yo dapek diingek kek bonak ati eh...ummul latifah...dapek dilihat tang jauh..ujang mentafsir yang anak dagho yang dio tongah peghati tu dalam keadaan sodih.
xtau daghi mano ujung pangkal eh..tibo2 kaki ujang melangkah ke aghah kumpulan tu.
"assalamualaikum semuo...selamat datang..silo duduk,"tibo2 terkeluar ayat2 polek tu.macam dio pulak tuan ghumah.'apo kono den ni..aih poning2,'dalam ati ujang mengutok dighi eh.
"ekau apo kono ni jang.mano tuan ghumah..tibo2 yo menyampok,"tibo2 sonah men'nyound' ujang.dek kato2 sonah tu terbughai la golak tipah dan leha.kono plak muko ujang yang terpingo2 tu buek dioghang golak laie lamo.
"hehe..xdo..sajo jo nak togo ekau sonah.lamo x jumpo,"nak jadi ceghito sonah ni classmate eh si ujang ni.
"ekau ni da xdo akal ko.den ghaso baghu yo seminggu kto balik tang rusia nun..tibo2 lamo x jumpo.ntah papo ntah ekau ni ujang,"skali laie kumpulan kocik tu tergolak.
"pak pak kelempung kelempung pak pak,"tibo2 jo bunyi kompang yang x sodap kek telingo ni kedongaghan...menandokan milah meghangkap pengantin pompuan da sampai.
ati tipah kembali sobak.tapi totap digagahkan ati eh.ujang yang sedaghi tadi peghati yo tipah...
"ekau ni tgk mano ujang.berkonan ko kek kawan den.ni hah tipah.ujang yang den ckp aghi tu.yang gompak anat tu,"sonah tibo2 yo peghasan apo yang ujang buek.abih cakap dio pon memandang balik kek mempolai berduo yang duduk kek dopan ghumah menengok acik ontah daghi mano ntah membantai silat pulut..men balun yo acik tu..abih semuo badan eh ditopok.
"lawa la jugak bini jiman ni kan jang,"tibo2 sonah bersuagho..
"aah..lawa jugak la,"tergamam ujang memerhatikan bini jiman.'lawa btol milah ni ni,patut la jiman x pandang pompuan laen..ah apo la den ni..memang dioghang da bertunang jugak apo sebolom kona den.mmg salah den la tipah.maafkan den tipah,'
"aik ujang..ekau x peghonah tgk ko bini eh si jiman ni?macam boyo jumpo daging yo den nengok,"tanyo sonah kepado ujang.
"x..ni la kali pertamo den tgk live..salu den tgk kek ym yo..den ingek kan milah ni adek dio.x sangko pulak dio ni tunang eh jiman,"tibo2 terkelua perkataan tu kek mulut eh.
"hah..ekau pon xtau?????"sonah tergamam.
ujang baghu tersodar..dio tersilap cakap.dongan gelisah sekali dio memandang tipah yang sojak tadi mendonga perbualan sonah dan tipah.
"koghang bukan rummate dio ko?"tanyo sonah laie.
"er..."ujang terkolu.
"weh jang...tolong den kek cni jap.banyak laie jamba nak anta ni!"joghit bota tang belakang.
'huih..naseb baek la ado bota,'kato ujang dalam ati eh."eh sonah..banyak kojo la..nanti2 la kito bughak ek.den goghak dulu la eh,"
"ok2...buek kojo tu leklok.jangan kang tertumpah lak jamba kek baju oghang,"sonah sonyum jo donga kato2 ujang tu.dialihkan eh pandangan kepado tipah yang maseh dalam keadaan terkojut.....
--------------------------------------------------------------------------------------
bersambung...minggu dopan