jiman oh jiman.....2

tepuk dahi saket badan,
lomah badan makan penawar,
bilo ati ghaso padan,
harap dapek den melamar...

"sebona eh...den ni datang ni nk melamar bungo kek taman ekau din...anak den tu..lamo lah berkonan kek anak ekau.kalau buleh..sebolum anak den poie jauh ni..dan sebolum den tutup mato..dapek la den nengok dioghang disatukan..mmg la bolom kawen laie..tapi kughang2 eh ado la ikatan antagho megheko berduo,"khoba eh jelani kepado jidin

lomah badan makan penawar,
tambah pulak makan berkhasiat,
kalau niat eh mau melamar,
x payah la dilambat-lambat.

"kalau ati da berkonan..mmg payah den nak menogah eh..den pon berkonan yo kek anak ekau jelani..bia la dioghang bertunang,"jelani pulak tersonyum dongan jaghi eh dimaen2 kan kek misai eh yang da macam sarjan misai ceghito goghak khas tu...
mako semuo oghang kek umah tu pon tersonyum...
selosai yo majlis bertuka2 cincin tando..majlis ditoghuihkan
"so apo kato kau jelani..bilo kito nak langsungkan perkahwinan keduo2 eh..den pon da x sabar nak nengok keduo2 eh bersanding ni,"jidin ngan muko ponuh 'excited' meminto pendapek.
"hehe...kau ni jidin..saba la sikit..den baghu yo nak bukak ceghito ni..ok la..macam ni..nak tunang lamo2 pon x manis kato eh oghang..den da bincang da pon ngan jiman..siap gadoh2 laie,"jiman pon tersonyum jo memandang abah eh."mako..den da bulek la..mau langsung kan taun dopan..waktu dio bercuti kito langsung la toghuih..sonang yo ceghito,"jelani tersonyum dengan muko suko eh..mano x eh..anak eh bakal kawen ngan anak sahabat paling baik dio.
"kalau camtu den pon setuju sangat la..lagipon milah den ni taun dopan da abih sekolah..den pon ado duit nak tanggung si milah ni blja kek tompek anak ekau blaja tu nanti..insyaAllah..sonang yo dioghang nanti,"ujar jidin setuju ngan apo yang jelani cadangkan.
majlis diakhiri dongan bacaan doa selamat..untuk pertunangan keduo2 eh dan jugo doa selamat poie selamat pulang untuk jiman yang bakal poie ko rusia bawah tajaan jpa(banding jiman ngan milah sangat la bezo..tapi sobab abah dioghang samo2 kawan mako xdo apo bezo dighasokan dioghang berduo ni).mako,selosai la majlis.


seminggu kemudian,
"calling for passanger to moscow,rusia flight mh++ at 2300hour,please assemble to the immigration counter for check in,"memokak yo operator ni..tapi nak buek macam mano..da namo eh kojo
"ok la omak abah..den nak goghak da ni..dio da panggil da pon ni hah sughoh masuk..dah la omak ek..jangan nangis laie..kang den x jadik poie plak,"ujar jiman..cakap yo lobih..kok kek mato tu da meghah da pon
"ekau la satu2 eh anak den jiman..jago dighi eh jiman..ingat omak selalu,"kato mak timah sambil mengolap mato eh
"jago dighi ek jiman..da sampai kang tipon abah..jangan lupo semayang plak kek tompek oghang nanti..memano yo totap tompek ado eh Allah..ingat yo jiman,"nasihat jelani x putuih2 sojak la daghi malam tadi..ateh keto nak ko klia..sampai la sekaghang ni...
begitu la sayang eh keduo2 omak dan ayah eh jiman ni...jiman pon turut sodih eh..
mato jiman melilau plak kali ni...dicaghi eh kelibat yang pasti dirindui eh...jauh di suatu sudut..insan berbaju kurung labuh putih...bertudung putih jugak...duduk diam yo kek ctu
jiman mendekati...
"milah..."sonyap yo milah.
"pandang muko abang milah,"perlahan2 milah mengangkek muko dio...linangan air mato milah dapek dilihat kek pipi eh
"milah nangis ek,"kali ni milah sonyum."aah..tapi milah gembigho..dapek kona ngan abang..x sangko maghen kocik yo laie..salu maen kawen2..den jadi bini abang hehe..x sangko setaun yo laie..den akan tunggu bang...den gembigho sangat bang..haghap abang dapek blaja sungguh2 ek..milah akan sentiaso mendoakan abang..jangan lupo ek ym milah nanti hehe,"milah sonyum..tapi x dilap eh air mato eh..dibiarkan sajo air mato tu...
"insyaAllah sayang..banyak2 kan la berdoa ek..ingat ek milah..kito bino hubungan ni sobab Allah da tontukan..oleh itu,pulangkan segalo eh pado Dio..insyaAllah kalau berjumpo x melampau..kalau berpisah x menyesal..insyaAllah,"ujar jiman
"iyo bang..milah akan sentiaso ingek..da berpuloh kali abang bagitau..milah xkan lupo,"diukir kembali senyuman yg sedikit pudar oleh milah."teghimo kaseh bang sobab sudi teghimo milah yang banyak lomah eh ni,"
"soal ati milah..x siapo yang tau..soghah yo la pado dio,"kato jiman
"woi.jiman!jom lah..pegawai jpa da bongang da tu,"bota memanggil jiman
"ok la ek..mak,abah,milah,sumo2 yang datang..doa kan ese selamat poie selamt kembali,"jiman melambai kepado semuo...kini pelbagai lagi perkagho bakal menanti...


begitu la cito eh..apo kono den dok cito pasal cinto ni ka..nanti la..baco yo la dulu..ado yang ponting eh pasal ni nanti hehehe...abih laie satu bahagian..haghap2 ado la yang membaco eh ni hehe..lotih gak menulis kan hehe