tulis di kala kebosanan: buat sahabat....sesungguhnyo..ekau sehebat namomu..

assalamualaikum buek semuo
ghasonyo lamo da den x menulih blog ni
hehehe...sori la..sobab sojak duo monjak ni den x sebosan mano(ekceli maleh nk tulih kui3)
papo yo la..yang ponting skang den ghaso den nak menulih la pulak
tulih yo la apo yang patot..ghaso eh..den nak menulih pasal soghang kawan den ni
den konal sojak form 1 laie kek skolah menongah maghen
waktu den form 1 den xdo la ghapat bona ngan dio..sobab den ingek dio ni otai
muko eh ganeh semacam la jugak
selalu gak ar den kono bahan ngan kawan den ni bersamo2 kawan2 dio
yo la..den ni maghen x bercampor bona ngan kawan2 den ni walaupun sekelas
sonang cito waktu budak2 maghen da pandai memilih kawan hahaha
papo yo la..lopeh tu hubungan den ngan kawan den ni toghuih la camtu sehinggo la den masuk form 2..
waktu form 2 plak..den kono 'sabo' ngan budak2 kolas den jadik ketuo kolas
sapo sughoh kuek tido laie waktu tu hahaha..mako den pon menjadi la ketuo kolas yang paling pemaleh kek batch den waktu tu
den toghuih menoghuih menjadi bahan kawan den yang soghang ni
tapi waktu ni den ghapat sket la ngan dio
den mulo la berkawan2 ngan kawan den ni bersamo geng2 dio
sobab eh..den ngan dio blaja bahaso alien(bak kato cikgu sahak) samo2
mako dio la yg menjadi geng2 lepak topi tanggo di kalo kelas di mano gembo si skema ngan pak cik tuo pop yang bersemangat masuk kelas dulu hahaha
waktu ni jugak kolas den ado eh ustaz lucah ngaja..muko ganeh dan bilo sobat budak x ingek la kueknyo sobat
ingat laie ado skali ni bebudak x dapek a agamo kono sobat
kawan den ni melayang kono sobat ngan dio
waktu ni la den dan kawan den ni dan jugo kawan2 laen membahan ustaz ni..oleh sobab dio ghoma membahan pelaja2 eh
dan waktu form 2 ni la jugak omak ayah n adek den poie buek selamonyo..
waktu ni la..mulo eh titik tolak den baek gilo ngan kawan den ni
walaupon den ado kawan baek budak nogoghi gak
den kawan yo ngan dio
dio dan kawan2 laen kek batch dan jugo kelas den terutamo eh banyak membantu den kua daghi kesedihan
waktu ni jugak la ado karnival sukan..kelas den jadi juaro basketball di mano den dan kawan den soghang ni dan jugo berg bertungkus lumus menewaskan pasukan feveret zaaba waktu tu
lopeh tu..masuk la form 3 dan seterusnyo sampai la form 5
den kelas samo ngan kawan den ni sampai form 4
waktu form 4 la den mulo ghapat gilo ngan dio..buek bondo2 sengal samo2
den mulo belaja apo itu erti dok skolah asrama
malam2 overnight..tgk muvi kek kelas
sumo bondo2 jahat den mulo la ghaso sikit2
tapi x sompek panjek bumbung yo..sobab waktu ni boghek badan den naek mendadak hahaha
n fly yo den x buek
papo pon..bilo den buek yo bondo2 ni mesti ngan kawan den soghang ni..
den paling respek dio ni sobab eh dio ni asal oghang susah..tapi hati eh kuek
dio x sogan kawan ngan oghang2 yg lobeh kayo ko apo ngan dio
lopeh tu dio layan sumo kawan eh samo..xdo lobeh xdo kughang
dio ni masuk la dalam geng2 kepalo batch kek skolah den ni
wpun dio muko ganeh tapi hati eh baek..
kawan totap diutamokan dulu berbanding oghang laen
wpun ganeh tapi x ponah la buek bondo2 yang melanggar rosam seoghang islam
respek den pado dio xdo penghujung eh
even ado kawan den yang 'minum' koncing setan..dilompang eh kek kawan den soghang den ni
masuk form 5 ingat laie dio kono appendix inflammation..mako haghus dibuang..
beari2 la jugo dio nak recover..ingat laie waktu form5 la jugak kawan den ni ghajen gilo blaja
sobab eh dio nak masuk atma..dio cito dio amek tuisyen jumpo soghang awek yang dio minat
dan paling best eh..bilo dio saket maghen awek tu datang umah dio melawat
hehe..seronok tol kawan den waktu tu
waktu sebolom amek spm..mako den satu batch pon berkumpul baco yassin kek masjid sekolah den
lopeh tu bersalam2an la bersamo junior2 dan jugo kawan2 seangkatan den
ingek laie..kawan den ni akan la memoluk semuo kawan seangkatan eh dan menangeh..di ghondah kan maruah eh domi sahabat limo taun blaja..dan dio minx maaf seikhlas2 eh..
pado den jugak samo la dio buek kek den..den sungguh sayu waktu tu
walaupon dio bukan la kawan paling ghapat ngan den tapi saat2 bersamo dio adalah yang paling best kek skolah..sobab eh salu la cito pasal kampung ngan dio(sobab kitoghang ni budak2 kampung)
abih skolah den masuk pkn..kawan den pon masuk samo tompek ngan den
(kredit to cawat0105 sobab minx oghang dalam masukkan koghang kek tompek den)
kali ni den x samo blok..tapi sekali sekalo dio mosti togo den..den pon samo
samo2 la lepak..
dio ni kek pkn timbalan penghulu..sobab kantoi budak sdar haha
papo yo la...nak abih pkn skali laie den jumpo dio
samo la bersodih2 sobab lopeh ni xtau jumpo bilo
dio boghi no tipon dio
ado skali yo la kot den kontek lopeh tu
lopeh duo taun x jumpo...den dapek beghito daghi kawan den merangkap classmate waktu a level kek intec yang jugo budak skolah den gembo

gembo:salam bota
bota:alaik salam gembo..ado apo eh
gembo:kawan kito meninggal
bota:bia boto ko gembo
gembo:boto la..cikgu norahilah msg den tadi kato kawan kito ni baghu yo meninggal
bota:innalillah..

(den ubah sikit conversation sesuai ngan tema blog ni)

mako mulo la berkaco2 mato den..menitis la air mato den
ingek laie..kato2 terakhir den ngan dio bertanyo khaba x lamo maghen
semuo konangan den bersamo dio terimbau sebanyak2 eh waktu tu
x dapek den nk teghimo jugak waktu tu
tapi lopeh den konpem ngan yang laen..mako den pon percayo la
dan jugo link beghito haghian dan nst yang kawan2 den post..membuekkan den sodeh amat sangat
tapi hidup mosti toghuih...dio mosti x mau den sodeh2 laie
semangat dio akan totap den ingek...den akan berjuang untuk omak ayah dan adek den..dan jugo ekau kawan den yang paling berhargo
bak kato arwah ayah den..kawan den yang soghang ni bukan sebarang kawan..dio adalah sahabat bagi den
thanks for being part of my life(quote from wishes book..last wish of my precious friend to all my batch member)
den halalkan sumo apo yang ponah ko makan bersamo den maghen dan den sedio memaafkan setiap kesalahan kau dan jugo kawan2 den yang laen
semoga Allah menjauhkan ekau dari azab sekso kubor dan memudahkan urusan ekau kek akhighat kolak
jugo semoga Allah memberkati segalo yang ekau lakukan sewaktu hidup dan meletakkan ekau di tompek yang tertinggi di samping hambo2 yang Dio redhai

terimo kaseh kerano banyak membantu den maghen dan kawan2 den yang maghen

alfatihah buat sahabatku...muhamad sulaiman bin rahman(o2o11988-26032009)
akan den contohi ekau yang den respek..sesungguhnyo ayah kau memberi namo yang paling sesuai untuk ekau..ekau seoghang yang hebat sehebat namomu...thanks for being part of my life:)