jiman oh jiman.....

assalamualaikum warahmatullahiwabarokatuh
lamo den x nulih kek blog ni..yo la kan..sojak banyak bona control minggu ni
mako den pon x sompek la nulih ketogah kek nak menghadapi sumo control2 berkonaan..
minggu dopan pon banyak yo control tp den nak jugak tulih malam ni
ontah la..den pon x tau napo den nak tulih bona malam ni hahaha
nak tulih apo pon den xtau mako den pon mengarot yo la
hahahaha
raso macam nak tulih cerito..tulih yo la sikit

satu potang yang honing...duduk la sorang mamat ni.namo eh jiman.duduk kek mano..dio duduk sonang cito kek topi jematan yg for sure melintasi sungai kek bawah eh..kek kampung kabong,ineh(inas).potang tu dighaso eh loteh bona..dio pon xtau kenapo.tapi yang ponting kepalo dio poning la mengonangkan apo yang dio kono hadap skaghang ni.
nak dijadikan ceghito..dio ni baghu yo lopeh bertokak ngan bapak dio..
apo kono eh jiman ni..sumo yang lalu lalang pon da naek poning disobabkan aneh eh ditengok eh si jiman ni..nak kato gilo handa pulak palo eh..masuk sekolah kek bandar nun
tibo2 termonung yo kek topi jematan...
nak kato tongah poning pk xdo sapo nak kek dio x jugak..ado yo si jiman ni kekasih bernamo milah(macam lagu apo kono eh jang la pulak hahaha)
so..tongah si jiman melayan poning palo eh,lalu la si milah ni
"eh,bang man...apo buek kek cni ni bang man.den baghu yo lalu umah abang tadi..acik jelani abah abang pon poning yo den nengok..tp kojo jalan yo..ni abang laie poning den nengok eh.gtau la milah bang..ghisau den nengok buah ati den golisah yo,"kato milah
dipandang eh milah dongan muko sodeh...macam la muko boghok kono tibai dek penyapu..mako muko milah laie la sodeh..dikonang2 la apo la salah dio kek si jiman ni
"hmm...cemano den nak ckp eh milah..den ni..er...kono...er...poie jauh la milah..ghisau den,"kato eh si jiman
"apo abang ckp ni...boto ko?"milah bertanyo ngan nada poning eh(den pon xtau napo milah pon nak ghaso poning)
"hmm..den dapek offer nak blaja kek obersi la milah...poie rusia..amek kedoktoran,"kato milah dongan mato eh dilarikan dari lirikan ponuh ingin tau oleh milah.x sanggup eh jiman nak menyatokan perkagho tu kek milah..wpun dio tau solang duo aghi yo laie dioghang akan ditunangkan...
"oh..pasal tu eh bang,"kali ni milah pulak berkato2..milah pon melaghikan pandangan dio ke agah due ekor koli yang tongah maen2(sobab eh air kampung tersobut teramek la jeghonih)"den da tau da...acik timah...omak abang..da dikhoba kan de kek den tadi...abih tu napo plak?bukan ko tu yang abang inginkan,"milah menyambung..kali ni tangan si milah digonggam eh ghapat..bergota2(sayang ghupo eh milah ni kek jiman hahaha)
"mmg la den nak poie..nak sangat poie blaja kek lua negagho..tapi......lamo2 den pk..abah den tu da tuo..kobau den da berlambak2...kobun gotah den tu laie..sapo nak jago..kok bukan den yang satu2 eh anak dio x tolong..sapo la laie nak tolong abah den tu...ghisau den..dio sonang2 yo nak den poie blaja jauh2 den..mano den x ghisau..kono abah den tu jatuh ko...poning ko...sapo la nak jago bondo2 tu..poning den,"toghang eh si jiman panjang leba...muko eh ponuh koghot2...menahan sobak kek dado eh
"hehe..itu yo ko bang jiman..ai bang..den ni lamo da kona ngan acik jelani tu..sojak kocik laie kito dok maen samo..ni nak tunang laie..xyah ghisau la bang jiman oi...xdo papo eh..den jago la acik jelani tu nanti..eh silap bakal abah den gak nanti hehe..kono plak ghamai yo abang den yang buleh tolong nanti..jangan ghisau la ek,"kali ni milah sonyum seleba2 eh sampai kombang lubang idong eh.
"hehe..boto ni milah?"diangkat koning eh si jiman mengharapkan persetujuan
"xkan la milah nak tipu..milah akan tolong..abang2 den tu pon den pakso dio nanti...hehe"dikonyitkan eh mato si milah.kuek boto milah ni..kalau den la..lamo da den nangih kek ctu jugak..suko ati ekau la milah oi...
mako jiman pon sonyum la kembali..dilontarkan pandangan eh jauh ke arah sungai yang tongah mengalir sejauh2 eh...dihaghapkan moga maso tu dighontikan...sayang eh pado kampung eh x dapek dipondam laie...mengalirla titik2 jeghonih...
"abang nangih ek..hehe..comel,"manjo la pulak milah ni..tapi totap dihago eh bateh..xdo la sampai polok2..kang kono lompang la pulak ngan den hahaha...
"mano ado..abang pueh yo..sobab dapek kona ngan milah..cukup memahami,"
"kona yo ko,"ditaghik muncung di bibir eh si milah ni
"yo la..abih tu apo..x kona mako x cinto kan..hehehe,"songih la pulak jiman ni..tp x macam koghang busuk la
"hehe..pandai ek die..hehehe,"sonyum eh dilebarkan...mako keduo2 bakal tunang tu pon memandang la ke aghah sungai tu...dongan keduo2 eh kembali sonyap...memikirkan apo yang bakal terjadi.....


abih part 1..den nak makan jap..lapa la pulak..pasni den sambung laie hehehe:)