ghaso nak sambong la pulak cito si jiman ni haha
haghap2 ado la yang boghi feedback kek den punyo cito ni hehe
papo yo la..mako den pon menyambong la ceghito si jiman ni
wpun lopeh ni ado eh karakter laen tp den totap guno loghat n9
bersesuaian ngan tema blog den ni hahaha(samo la macam tgk cito anime..semuo pon ckp jopon hahaha)
---------------------------------------------------------------------------------------------------
"ujang,cemano nak buek calculation ni,den poning la..daghi tadi x dapek2,"ditanyo eh jiman kek ujang kawan sekelas dan seghumah eh kek MMA nun(waktu ni ado kelas physics)
mako ujang pon mengaja la jiman ni..punyo la berdedikasi megheko disobabkan eh nak jadik doktor la katokan..
selosai kelas ado la pulak lecture..mako keduo2 eh tercongok la kek dopan pintu lecture hall sementagho menunggu oghang daghi dalam kelua..
"jiman2,sini jap,"sonah memanggil jiman
'apo la pulak kono eh si sonah ni,'jiman bermonolog kek dalam ati eh..tapi dibuntuti juo sonah
"apo kono eh sonah,"tanyo eh jiman kek sonah
"ni hah..ado kawan den boghi,"kato sonah sambil mengulokan sughek tang poket selua eh
'la..apo bondo la pulak eh ni,'skali laie jiman bermonolog
"baco tau jiman.jangan buek pekasam lak.kang maghah plak kawan den kek den nanti,"kato sonah.
"insyaAllah den cubo baco,"jawab jiman kepado sonah
"xdo cubo-cubo do..ekau kono baco gak'"sonah memandang dongan tajam eh..persis seeko kucing kono pijak ekor eh
"insyaAllah,jangan risau la ek, sonah,"jawab jiman sambil menyimpan sughek tu ke dalam poket selua eh
"weh,jiman..jom la masuk.oghang da kua da tu,"tompik ujang yg da kek dopan pintu da pon.
"iyo..den datang la ni,"jiman toghuih berlalu.
mako kuliah pon bermulo.
-------------------------------------------------------------------------------------------------
'huih,loteh boto aghi ni,'setibo eh jiman kek umah eh..dio pon melotakkan kan semuo baghang dio kek ateh mejo..termasuk la apo yang ado kek dalam poket seluar eh
nk dijadikan ceghito..jiman ni mmg x prasan la ngan sughek yang ado kek dalam poket eh dilotakkan skali kek ateh mejo.
jiman yang loteh teghingek la kek mak ngan abah eh kek kampung
mako dio pon membukak laptop eh dan toghuih jo online ym
sebolom tu di 'sms' omak dan abah eh supayo online
memandangkan maseh awal lagi yakni kek malaysia maseh kul 8 malam
mako mereko pon berwebcam la gamak
dan paling best..waktu tu milah tunang eh si jiman ado kek umah eh.membuek kuih ngan omak eh memandangkan esok ado majlis kek masjid.
mako melopehkan la ghindu jiman ni kepado semuo oghang yang disayangi eh nun kek malaysia.
"jiman,ni apo ni?"tanyo ujang sambil memogang sughek kek tangan ni.
"ntah..sonah boghi kek den tadi..ekau nak baco baco la,den ghaso ado oghang boghi kek kau tu.sajo yo boghi kek den,"jiman yang tongah sibuk berwebcam dongan keluargo eh mengobhakan kepado ujang
"iyo ko ni jiman?"tanyo ujang..potong stim tol la ujang ni(kalau den la..jiman x camni haha)
"entah la..den pon x baco laie,"jiman jawab endah x endah
'papo yo la jiman,'ujang toghuih membukak sughek tu
salam alaik dan salam silaturrahim,
hmm..cemano den nak khoba ek..kalau abang kona den la..den ghaso abang x peghasan pon den ni sapo..tapi den nak gak gtau..den ni lamo da berminek kek abang...
berbungo2 la ati si ujang membaco sughek tu..mako ditoghuihkan la de pembacaan sughek tu
saban aghi den nunggu la..den ado gak peghasan abang peghati den tapi den sogan hehe..den buek donno yo..iyo la kan..kito kan maseh blaja laie..tapi cemano den nak khoba ek..den nengok ghamai yo senior kito kawen den ghaso x salah kok kito konal2 kan(hehehe..jauh la plak den pk)..bilo tulih sughat ni macam2 den pk..abang nak ko x baco sughek ni..takut yo abang x bukak sughek ni..malu den..iyo la..den kan pompuan..apo la pulak abang kato nanti bilo den boghi sughek ni kek abang..x ko malu nanti..tapi den da x sabar..takut nanti ghamai la pulak yang minek kek abang..mako den pon memulokan la dulu..haghap abang faham la ek
hmm..mungkin abang tertanyo2 sapo la den ni..hmm..den pon xtau nk ckp cemano den nk gtau abang..sobab eh den sogan la pulak hehe..papo yo la..nanti kek ujung sughek ni abang tau la den sapo..den akan boghi clue sket..papo pon teghimo kaseh sobab membaco sughek ni..
pocah kaco pocah golas,
sudah baco haghap balas,
hehe..macam budak2 plak kan..skali laie thank u la sobab baco sughek ni abang raziman...
oleh,
ummul latifah
'humangai,tipah ghupo eh yang boghi sughek ni.lawa tu bai..bertuah jiman..hmm..kok den boghi kek dio ni mosti si jiman x mau.kaki study la katokan..xpo2 den tolong jiman ni hehehe,'ujang berkobar-kobar nak tolong jiman.
"nah jiman.esok ekau boghi kek sonah,"hulo ujang satu sampul sughek kek jiman.
"apo lak ni jang?"tanyo jiman
"ado la...hehehehe,"ujang pon tersengih,dan kali ni macam koghang busuk hehehe
jiman lotak balik sughek tu kek topi mejo eh lalu menyambung blaja.
-------------------------------------------------------------------------------------------------
kek satu tompek laen..
"hmm..haghap2 abang jiman teghimo la den,"kato tipah sambil memandang bulan kek topi tingkap nun.
esoknye...
"tipah..nah..den da tolong kau da..jangan lupo lak ek tolong den nanti buek tazkirah usrah nanti ek,"kato sonah kepado tipah sambil menghulurkan sampul sughek.
"timo kaseh sonah...ekau da tolong banyak da,"dibuko sughat tu perlahan2
dibaco sikit2...lamo2 tersonyum.sonah yang memandang eh kolu seketiko..papo yo la ekau senah.
sojak aghi tu berbaleh2 la sughek tipah ni dongan jiman..walaupun hakikat eh sebona eh ujang yang membaleh sughek ni.
pado pihak ujang..dio ghaso seghonok..membaco dan membaleh sughat tersobut..ado jugak diminx eh no telepon tapi x diboghi eh tipah
sobab x mau oghang laen tau..tambah2 lak x mau leko plak nanti
sughek tu plak banyak msg2 keislaman..disobabkan tipah ni maghen blaja skolah agamo semuo pon pmpn..mako x banyak la yang dio tau mengenai lelaki
selalu la dio bertanyo...ujang ni pulak baek oghang ek..banyak la diboghi nasihat
walaupun hakikat nyo tipah ingek yang oghang yang membaleh itu adalah jiman
kesian jiman...nak buek cemano kan...
apo yang dio ingek ado oghang minat kek ujang..mako dio pon mau la jadik oghang tongah..sepertimano eh sonah...
-------------------------------------------------------------------------------------------------
mako,cuti pon bermulo..semuo pelajar perlu kosongkan asrama..mako..semuo pon balik la ke malaysia.
jiman yang seronok sangat nak balik..mano x eh..milah dah abih blaja skolah
nk sambung blaja kek tompek dio blaja laie tu...kono plak keduo2 eh nk kawen...
mako pado malam terakher..diboghi la kad sanding kek kawan baek eh ujang..
melihat kad tersobut ujang terkolu...'apo kono eh ni,bilo plak jiman ni tunang.x peghonah plak dio mention,'
"hmm,sapo kawen ni jiman?"sajo ditanyo eh soalan bodo tu
"den la..sapo laie..hehehe,"jiman sonyum yo memandang ujang yangg tercongok melopong memandang jiman.
"yang ekau melopong ni apo kono plak ni?sajo jo den x khoba kan kek kau..iyo la..kito kan sebok studi.kok ekau tau..banyak plak ekau tanyo nanti.hehe,"skali laie jiman sonyum kek ujang.
'apo den da buek ni...adeyh..sori tipah..den xtau pon jiman da bertunang,'kato ujang dalam ati eh
"oh..camtu..tahniah la..tapi sapo plak ni..rabiatul jamillah?yang ekau slalu ym tu ke?"tanyo ujang memintak kepastian.
"iyolah..abih tu sapo laei..hehe"jiman tersonyum kambing
"den ingek kan adek kau,"toghang ujang
"mano la den ado adek.den anak tunggal la jang,"kato jiman
"oh..kalau camtu tahinah la..den cubo la datang ek.ekau x boghi ko kad ni kek kengkawan kito?"tanyo ujang laie.
"boghi jo..den boghi satu batch.sajo jo boghi kek kau lambek sket.surprise la katokan.hehehe,"toghang jiman sungguh-sungguh.
'ya Allah..mesti tipah da tau pasal ni..apo den da buek ni ya Allah.Kau bantulah hambo mu ini.kau jauhkan la perasaan bonci tipah kek jiman.'kato ujang dalam ati eh.sebona eh ujang ado gak minat tipah ni..sobab kan kelombutan eh..pogangan eh pado agamo..tapi skaghang da terlambek..dio la punco segalonyo.
-------------------------------------------------------------------------------------------------
di rumah tipah......
sambungan di post setoghuihnyo:D
timo kaseh la pado yang membaco
t
No comments:
Post a Comment