sape saya

bagi yg belum mengenali..
nama diberi Muhammad Syahid Awang
credit to my late father for such wonderful name
name yg amat bermakna dan juga sifat diri ini cukup sama dgn ape yg diberi pada nama
Alhamdulillah..moga dengan sifat tersebut memberikan kelebihan dalam mengenali Allah dgn lebih dalam lagi
asal dari negeri sembilan(ade gak rase nk tulis dalam loghat n9..mcm adek den buek)
tulis dalam loghat n9 la hehe
nk ckp den nogoghi x jugak la..bolah omak den asa juhor..
so dah terputuih la riwayat perpatih kek dalam susur jalur badan den ni
papo la..yg ponting den nak gak ngaku den nogoghi hehe
den skang duk ngan nenek den..napo?
xyah ngengado nak amek tau..den lompang kang tau la haha(gughau ayo)
sekolah den waktu kocik2 dulu kek palong ompek(lamo da den x balik palong..rindu la plak kek kawan2 den..tp mgkn dioghang da x kona den kot..da godang da maseng2 haha)
lopeh tu den masuk sdar(sekolah datuk abduk razak) kek somban
sekolah ni best gilo la(mano2 sekolah kalo enjoy best je kan)
lopeh tu masuk intec lak..mulo2 amek a level nk g ireland..tapi sobab jack lambert psycho den
toruish den x dapek nak nolong eh..poie la den ke rusia
2nd best world medicine school(ntah yo ko x..den pon x tau haha)
papo pon den bersyukur la ngan apo yg den dapek..6 taun pon 6taun la
yg ponting dapek jadi doktor
tolong wan2 ngan atok2 kek kampung den
apo laie ek..hobi den..lepak..sampai enek den gogham ngan den
pemaleh nak mampuih..suroh poie kobon menobeh pon maleh
apo la nk jadi ngan den ni..maken lamo maken bulek(harap2 den balik msia ni rajen la sket hehe)
lagi hobi den..makan jo kojo..tapi x banyak..tiap setongah jam carik makanan
mano x bulek..bilo la den nak kuruih ni..dok melantak yo kojo..
apo laie nak tulih ek..laie satu..dok kat rusia ni..kojo den ngadap laptop den yo kojo
xdo kojo laen..yo la kan..da tv xdo kek cni..kok ado pon bahaso rusia
sebagai bekas budak a level..rusia den ni tahap prasekolah je hahahaha
cito2 den nak jadi doktor yang bermanfaat(huih ayat)
papo la..yg ponting kono realisasikan
sobab enek den ponah cakap..bilo da cakap kito kono buek
sobab macam mano pon..apo yg kito cakap tu adalah janji kito pado tuhan kito
x kigho la agamo apo pon..totap kono buek gak
waima yg x cayo ado eh tuhan
kla..sambung lenkali..den ghaso lopeh ni nak tulih dalam loghat n9 la hehe
jangan nak memokak lak kalau x paham
x paham tanyo jo..kok org kelantan buleh yo kecek kek dopan org ramai
den mau jugak..bukan sonang nak kua loghat ni..ngan n9 nye org je den leh otomatik loghat
kok x sori la hehehe..timo kaseh la luangkan maso baco
laie satu...kalau blog den ni banyak tulih2 jo xdo gamba jangan banyak komen plak
den terajang kang baghu tau...ponek den tulih banyak plak komen
actually maleh den nak upload2 gamba ni..leceh den yo..baek bukak facebook den yo
kla..mau ghonti jap..harap2 den tulih blog ni aghi2 la hehe